Ciao Lele!

Forse forse l'è el model novo, no so gnanca mi, gavaria da nar a farghe na foto nel garage del lele...me ricordo che ogni volta me parea de vedarne una ma lu el me disea che l'era el model vecio! ma alora me digo che l'è stà proprio mbecile a torse na machina così! te gavee da averghe fioi lele, no da torte na coupè. va beh dai. na sera de du ani fa son na a busolengo a alenamento e forse al'andata, forse al ritorno go piciotà el bocheton de l'aria da la parte del pasegero....ghe l'ho disintegrà! cioè, mi l'ho tocà e basta par girarlo da l'altra parte e el m'è praticamente restà in man! quanto che te me l'è tirà longa...na olta te se adiritura nà dal concesionario e i t'ha dito che i era 70 euro ma che te gavee da cambiar tuta la consolle (el toco davanti dal volante al bocheton de l'aria), evviva le machine modulari! ti te me disee "dai dame 70 euro e mi lo cambio", mi te rispondea "ti porta le paste e mi te dago i schiei"...